ʼn Kort Besoek deur Prof Paul Heald van die University of Illinois College of Law in die Verenigde State

Op 24 Mei 2018 het die Regskliniek ’n vinnige besoek ontvang van prof Paul Heald van die University of Illinois College of Law in die Verenigde State. Sy spesialiteitsgebied is outeursreg en internasionale intellektuele eiendomsreg, en hy is tans ’n inwonende STIAS-genoot. Prof Heald se besoek het gevolg op ’n aanbieding en besprekingsessie vroeër die dag, waar deelnemers met hom in gesprek getree het oor die basiese beginsels en uitdagings van empiriese navorsing in die regte. Op die foto hier verskyn prof Heald saam met prof Sadulla Karjiker van die Fakulteit Regsgeleerdheid aan die Universiteit Stellenbosch en Stephan van der Merwe van die Regskliniek, wat aan die sessie deelgeneem het.