IKliniki Yezomthetho Ivula Isebe Layo eWorcester

Ngomhla wama-20 Matshi 2013, iKliniki Yezomthetho yaseYunivesithi yaseStellenbosch ivule iofisi yayo eZiko Lezempilo iUkwanda kwiSebe Lezonyango laseYunivesithi eWorcester.

Injongo yokuvulwa kwale ofisi kukubonelela abantu abahluphekayo abasemaphandleni ngeenkonzo zomthetho ezikumgangatho ophezulu. Ekuqaleni, amagqwetha avela kwiKliniki yaseStellenbosch aza kubonelela ngeenkonzo kube kanye ngenyanga kuphela, kodwa icebo lokwandisa le nkonzo ngokukhawuleza lisezandleni, kuxhomekeke kumdla wabahlali kunye nokufumaneka kwemali eyimfuneko.

“Ukuqaleni, iKliniki Yezomthetho izakugxila kuphela kuncedo lwezomthetho kwezi ndawo: uqhawulo-mtshato, amalungelo abantwana, kunye nokugxothwa kwabalimi emasimini. Nangona kunjalo, sinethemba lokuba sinokwandisa iinkonzo zethu eWorcester ngokuhamba kwexesha, ukuba siyakwazi ukufumana inkxaso-mali ezinzileyo,” kutsho uMlawuli weKliniki Yezomthetho, uMnu. Kruger van der Walt.

Ukufaneleka ukufumana uncedo lwezomthetho, umntu kufuneka adlule kuvavanyo lwezibonelelo zemali (means test), njengoko iinkonzo zomthetho zasimahla zinikezelwa kuphela kwabo banengeniso ephantsi kwaye abangakwazi ukuhlawula amagqwetha abucala.